អន្តរាគមន៍របស់អង្គការ CHEC ក្នុងរយៈពេលប៉ុន្មានឆ្នាំកន្លងមកនេះ បាននិងកំពុងឆ្លើយតប និងរួមចំណែកដល់យុទ្ធសាស្ត្រជាតិ គោលនយោបាយ និងផែនការសកម្មភាពយ៉ាងទូលំទូលាយ។ ចំណុចសំខាន់មួយគឺពាក់ព័ន្ធនឹងមេរោគអេដស៍/ជំងឺអេដស៍ ដែលនៅតែជាអាទិភាពកំពូលមួយនៅក្នុងផែនការយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលនៃនីតិកាលទី៧ នៃរដ្ឋសភា។

ទន្ទឹមនឹងនេះដែរ អំពើហិង្សាយែនឌ័រ (GBV) និងយុវជន ក៏ជាចំណុចសំខាន់នៅក្នុងរបៀបវារៈរបស់រដ្ឋាភិបាលផងដែរ។

អង្គការ CHEC បង្កើតទំនាក់ទំនងយ៉ាងសកម្មជាមួយអង្គការផ្សេងៗ រួមទាំងបណ្តាញអង្គការក្រៅរដ្ឋាភិបាល(NGO) ផ្សេងទៀត អង្គការសហគមន៍ ក្រសួងរដ្ឋាភិបាល និងអាជ្ញាធរមូលដ្ឋាន។ អង្គការ CHEC គឺជាសមាជិកនៃគណៈកម្មាធិការសម្របសម្រួលមេរោគអេដស៍/ជំងឺអេដស៍ (HACC) គណៈកម្មាធិការ CEDAW CCC និងវេទិកានៃអង្គការមិនមែនរដ្ឋាភិបាលនៅកម្ពុជា។ អង្គការ CHEC ក៏ជាសមាជិកសកម្មនៃក្រុមការងារបច្ចេកទេសសម្រាប់យេនឌ័រ និង (GBV) ព្រមទាំងជាសមាជិកនៃក្រុមការងារបច្ចេកទេសខេត្តដើម្បីសុខភាពក្នុងខេត្តចំនួន 5 ដែលអង្គការ CHEC កំពុងធ្វើការផងដែរ។

តំបន់គោលដៅសំខាន់ៗ

បច្ចុប្បន្ន អង្គការ CHEC កំពុងដំណើរការនៅក្នុងស្រុកចំនួនប្រាំផ្សេងគ្នានៅទូទាំងប្រទេសកម្ពុជា។ ក្នុងនោះមាន​ចំនួន​ជាង 566 ភូមិ និង 79 ឃុំ​នៅ​ទូទាំង​ប្រទេស។ ខេត្តគោលដៅទាំងនោះរួមមានដូចជា៖

ខេត្តព្រៃវែង កំពង់ឆ្នាំង កំពត កំពង់ចាម និងខេត្តកណ្តាល ដែលផ្តោតលើយុវជន អំពើហិង្សាយេនឌ័រ ឬការថែទាំតាមសហគមន៍ និងរួមបញ្ចូលគ្នា។ ឧទាហរណ៍ កំពង់ចាមអនុវត្តគម្រោងគោលដៅទាំងបីខាងលើ ចំណែកខេត្តព្រៃវែងអនុវត្តតែគម្រោងទាក់ទងនឹងការថែទាំសហគមន៍ប៉ុណ្ណោះ។ ខាងក្រោមនេះជាផែនទីប្រទេសកម្ពុជា ដែលបង្ហាញពីតំបន់គម្រោងរបស់អង្គការ CHEC។